گلگت ۔ خود ساختہ مہنگائی ایک جرم ہے اس جرم کے خاتمے کیلئے کوئی دقیقہ فروگزاشت نہیں کریں گے، ترجمان شہر حکومت نے عوالناس سے اپیل کی ہے کہ قصائیوں، پولٹری شاپس، تھوک وپرچون دکانداروں، سبزی، فروٹس او ر کریانہ مرچنٹس کے خلاف شکایات کی صورت میں میں الفا کنٹرول پر درج کرادیں ۔اسسٹنٹ کمشنر گلگت اسامہ۔مجید چیمہ

گلگت (سنینا ) اسسٹنٹ کمشنر / چیئرمین پرائس کنٹرول کمیٹی گلگت کیپٹن (ر) اسامہ مجید چیمہ نے کہاکہ شہر میں گرانفروشی اور کورونا وائرس ایس او پیز  کی خلاف ورزی پر سخت کاروائی ہوگی، دکاندار حضرات سرکاری نرخوں پر عملدرآمد یقینی بنائیں، رمضان المبارک میں گرانفروشی روکنے کیلئے خود مارکیٹ کا مانیٹرنگ کررہا ہوں، رمضان المبارک میں قیمتوں پر کنٹرول کرنا ضلعی انتظامیہ کی زمہد اری ہے ۔

جسکے لئے شہرکو چار سیکٹرز میں تقسیم کردیا گیاہے تاکہ گرانفروشی کو کنٹرول کیا جاسکے یہ باتیں جمعرات کے روز میونسپل پولیس فورس کے ہمراہ مارکیٹ کا معائینہ کے دوران میڈیا کے نمائندوں سے بات چیت کرتے ہوئے کیا، انہوں نے میڈیا کو بتایا کہ شہرمیں مہنگائی پر قابو پانے کیلئے سیکٹرمجسٹریٹس کی نگرانی میں چار سیکٹرز میں تقسیم کردیاہے تاکہ گرانفروشی، خود ساختہ مہنگائی اور سرکاری نرخناموں پر عملدرآمدنہ کیلئے سیکٹر مجسٹریٹس خصوصی طورتوجہ دے سکیں، پیشہ وارانہ امور میں غفلت ناقابل برداشت ہے عوامی شکایات کے ازالے کیلئے پرائس کنٹرول ایکٹ کے تحت کاروائی کررہے ہیں، 

ہماری کوشش ہے کہ ضلعی انتظامیہ اور تاجربرادری کے جانب سے رعائتی پیکچ کے ثمرات روزہ داروں تک پہنچانے کیلئے عملی اقدامات کو تیز کیاہے، انہوں نے کہا کہ پھل فروٹس اور سبزی کی قیمتوں کو کنٹرول کرنے کیلئے سبزی منڈیوں میں جاکر تھوک و پرچون نرخوں کا خود دورہ کرکے قیمتوں کا جائزہ لے رہاہوں،زائد منافع خور سبزی فروشوں کو لگام دیں گے، رمضان المبارک میں گرانفروشی کے ذریعے تھوک و پرچون دکاندارں کو کچھ پیسوں کیلئے اپنا ایمان کو خراب نہیں کرنا چاہیے،انہوں نے کہا کہ رمضان المبارک کے مقدس مہینے میں ہمیں اللہ کی خوشنودی حاصل کرنے کیلئے رسول ﷺ کے بتائے ہدایات اور فرمودات پر عمل کرنا چاہیے، اسکے بعد ہی اچھا ہم ا مسلمان بن سکتے ہیں۔

 ایڈ منسٹریٹر نے نے کہا کہ خود ساختہ مہنگائی ایک جرم ہے اس جرم کے خاتمے کیلئے کوئی دقیقہ فروگزاشت نہیں کریں گے، ترجمان شہر حکومت نے عوالناس سے اپیل کی ہے کہ قصائیوں، پولٹری شاپس، تھوک وپرچون دکانداروں، سبزی، فروٹس او ر کریانہ مرچنٹس کے خلاف شکایات کی صورت میں میں الفا کنٹرول پر درج کرادیں، تاکہ خلاف ورزی کے مرتک دکانداروں کے خلاف کاروائی کی جاسکے،

 انہوں نے شہر کے دور دراز محلوں اور گاوں میں موجود دکانداروں کو بھی باآور کرایاکہ وہ زیادہ صارفین سے زائد منافع نہ لیں بصورت دیگر مجسٹریٹس کے ذریعے سخت کاروائی ہوگی اور بھاری جرمانوں کے ساتھ دکانداروں کو جیل کی سزا بھی دی جاسکتی ہے۔