ہنزہ (بہرام خان )مسلسل بڑھتی ہوئی کرونا وائرس کیسیز کی صورتحال کے پیش نظر ہنزہ بھر میں لاک ڈاون دفعہ 144 لاگو کر دیا گیا ۔
جرنل سٹور سمیت تمام مارکٹیں اور ٹرانسپورٹ کو بند رکھا گیا ہے ، ہنزہ کے داخلی اور خارجی راستوں کو مکمل سیل کردیا ،(این او سی )کے بغیر چلنے والی گاڑیوں کو بھی روکا گیا
- ڈپٹی کمشنر فیاض احمد نے میڈیا سے گفتگو میں کہا کہ ہنزہ میں اچانک کرونا وائرس کیسیز میں تشویش ناک حد تک اضافہ ہوا ہے ۔تمام انتظامیہ اس وقت متحرک ہے دن رات کام کر رہے ہیں ۔ عوام بھی انتظامیہ کی طرف سے طے شدہ ایس او پی پر عمل درآمد کریں۔ ہنزہ کے تمام عمائدین بازار ایسوسیشن ریجنل کونسل اور امامیہ کونسل کے عہدہ داراں سے ہم نے اپیل کیا ہے کہ ۔ موجودہ صورتحال کے پیش نظر پہلے کی طرح اپنا کردار ادا کریں ۔ تاکہ اس وبا کو کم یا ختم کرنے میں ہم کامیاب ہوسکے۔ ڈپٹی کمشنر نے مزید کہا کہ کمیونٹی لیول پر مختلف محلوں میں کمیٹیاں بنانے کی بھی سفارش کی ہے تاکہ انتظامیہ کی طرف سے طے شدہ (ایس او پی) پر عمل درآمد کو یقینی بنایا جاسکے ۔ اگر عوام نے (ایس او پی ) کو نظر انداز کیا اور صورتحال برقرار رہی تو ہم مکمل طور پر لاک ڈاون کی طرف جائنگے ۔ اس لیے عوام سے درخواست ہے کہ ماسک اور سماجی دوری کا خاص خیال رکھے ۔ آج ڈپٹی کمشنر فیاض ہدایت پر سٹی مجسٹریٹ فرمان کریم کی قیادت میں علی آباد بازار میں لاک ڈاون پر عمل درآمد کرانے کے لیے پولیس عملے کے ساتھ دن بھر گشت کرتے رہے ۔ بغیر ماسک کے چلنے والے افراد اور ڈرائیور حضرات پر جرمانےآٸید کی گٸی ۔
کوئی تبصرے نہیں:
ایک تبصرہ شائع کریں
کمنٹ ضرور کریں