استور (غلام مصطفٰی )ڈپٹی کمشنر/ڈسٹرکٹ مجسٹریٹ ضلع استور محمد طارق کی زیر صدارت ڈسٹرکٹ انٹلیجنس کمیٹی کا اہم اجلاس منعقد ہوا۔اجلاس میں سپرنٹنڈنٹ پولس استور جان محمد،اسسٹنٹ کمشنر استور شرجیل حفیظ وٹو،اسسٹنٹ کمشنر شونٹر حسین شاہ،اسسٹنٹ کمشنر عملدرآمد تنویر احمد،نمائندہ آئی۔ایس۔آئی۔نمائندہ ایم۔آئی،نمائندہ آئی۔بی،نمائندہ گلگت بلتستان سپیشل برانچ اور نمائندہ ڈسٹرکٹ سپیشل برانچ شریک تھے۔اجلاس سے خطاب کرتے ہوئے ڈپٹی کمشنر استور نے کہا کہ الیکشن کمیشن گلگت بلتستان کے ہدایات کی روشنی میں شفاف اور غیر جانبدار انتخابات کا انعقاد ہماری اولین ترجیح ہے۔اس حوالے سے ضلعی انتظامیہ کی جانب سے الیکشن کمیشن اور متعلقہ ریٹرننگ آفیسران کو بروقت شفاف اور غیر جانب دارانہ انتخابات کے انعقاد کے حوالے سے ہر قسم کی معاونت فراہم کرے گی۔اور انتخابات کا پرامن انعقاد یقینی بنانے کے لیے تمام تر وسائل بروئے کار لائے جائیں گے۔ڈپٹی کمشنر استور نے دونوں حلقوں کے ریٹرننگ آفیسران کو ہدایت کی وہ اپنی تیاریاں مکمل کرئیں اور اپنی ضروریات قبل از وقت الیکشن کمیشن کو ارسال کریں تاکہ ضروری لوازمات بھر وقت فراہم کی جاسکیں تاکہ کسی قسم کی مشکلات پیش نہ آئیں۔ڈپٹی کمشنر استور نے تمام سیاسی جماعتوں اور آذاد حیثیت سے انتخابات میں حصہ لینے والے امیدواروں سے کہا ہے کہ وہ پرامن انتخابات کے لیے ضلعی انتظامیہ کے ساتھ بھر پور تعاون کریں
کوئی تبصرے نہیں:
ایک تبصرہ شائع کریں
کمنٹ ضرور کریں