گلگت (بیورو رپورٹ)ایڈ منسٹریٹر بلدیہ عظمیٰ گلگت کیپٹن (ر) اسامہ مجید چیمہ نے کہا کہ ضلعی انتظامیہ اور میونسپل کارپوریشن کے جانب سے چہلم کی تیاریاں مکمل، انجمن حسینہ نگر روڈ بے نظیر چوک، امامیہ جامع مسجد روڈ، پونیال روڈ، ماڈل ہائی سکول امپھری سے زیارت تک جلو س کے راستوں کو کلیئر کردیا گیا، جلو س کے راستوں کو صفائی اور سکیورٹی کے سلسلے میں تمام انتظامات مکمل کرلئے گئے آج جمعرات کے روز چہلم امام حسین علیہ السلام کے سلسلے میں ملک بھر کی طرح گلگت میں بھی مذہبی عقیدت کے ساتھ منایا جارہا ہے اس سلسلے میں سکیورٹی اداروں نے چہلم کے جلوس کے گزرگاہو ں تک جانے والے تمام راستوں اور دکانوں کو سیل کردیا گیا ہے۔ یہ باتیں انہوں نے بدھ کے روز لائن ڈیپارٹمنٹس کے آفیسران کے ہمراہ جلو س کے راستوں کے معائینہ کے موقع پر میڈیا کے نمائندوں کو تفصیلات بتاتے ہوئے کیا انہوں نے کہا کہ ملک بھر کی طرح گلگت میں بھی چہلم حضرت امام حسین علیہ السلام مذہبی عقیدت کے ساتھ منایا جارہا ہے چہلم کے سلسلے میں مرکزی جلوس کے راستوں کو ہر طرح سے کلیئر کردیے گئے ہیں سکیورٹی انتظامات، صفائی، بجلی، پانی سمیت دیگر سہولیات کے حوالے سے ڈپٹی کمشنر کے احکامات پر من و عن عملدرآمد کیا جارہا ہیانہوں نے بدھ کے روز آفیسران کے ہمراہ چہلم کے مرکزی جلوس کے گزر گاہوں، انجمن حسینہ نگر، بے نظیر چوک، امامیہ جامع مسجد روڈ، زیارت امپھری روڈ کا تفصیلی دورہ کیا اپنے دورے کے موقع پر صفائی اور حفاظتی انتظامات کو باریک بینی سے جائیزہ لیا، اس موقع پر گلگت ویسٹ منیجمنٹ کمپنی، محکمہ برقیات، روڈ منٹینینس،اور واسا کے زمہ داروں کو ہدایات دیں کہ وہ جلوس کے گزرگاہوں کو ہر طرح سے کلئیر کریں اور سکیورٹی انتظامات کو بہتر بناتے ہوئے چہلم کے موقع پر عزاداروں کو حفاظت یقینی بنایا جائے، بعد ازاں ایڈ منسٹریٹر میونسپل کارپوریشن گلگت کیپٹن(ر) اسامہ مجید چیمہ نے میڈیا کے لئے جاری بیان میں کہا کہ چہلم حضرت امام حسین علیہ السلام کے موقع پر ضلعی انتظامیہ نے مکمل تیاری کر لی ہے سخت حفاظتی انتظامات کئے گئے ہیں چہلم کے موقع پر پولیس، پیرا ملٹری فورسز ضلعی انتظامیہ کے اشتراک سے سکیورٹی انتظامات یقینی بنائیں گے
کوئی تبصرے نہیں:
ایک تبصرہ شائع کریں
کمنٹ ضرور کریں