گلگت (ہنزہ ٹی وی) ترجمان لوکل گورنمنٹ و میونسپل کارپوریشن گلگت مظہر علی مغل نے کہا کہ شہر میں خود ساختہ مہنگائی، گرانفروشی، اور سرکاری نرخنامہ کی خلاف ورزی کرنے والوں کے خلاف سخت کریک ڈاون جاری رہے گا ایڈ منسٹریٹر میونسپل کارپوریشن گلگت کیپٹن (ر) اسامہ مجیدچیمہ کے قیادت میں، تحصیلدار ہیڈ کوآرٹر مختار احمد، میٹ انسپکٹر ڈاکٹر مشتاق عالم، فوڈ انسپکٹر راشد قاسمی،میونسپل مجسٹریٹ محمد عباس، سیکٹر مجسٹریٹس ذوالفقار علی، قندیل زہرا، شہر باز علی میونسپل پولیس فورس کے جوانوں کے ہمراہ روزانہ گرانفروشوں کے خلاف کاروائیاں جاری ہے قانون کی خلاف ورزی کفرنے والوں کے خلاف کوئی رعائت نہیں ملے گی بیکری اور گوشت کے قیمتیں بڑھانے کے لئے اخباری بیانات کار سرکار میں مداخلت ہے یہ باتیں بدھ کے روز میڈیا کیلئے جاری ایک بیان میں کیا انہوں نے کہا کہ اخباری بیانات سے قیمتیں نہیں بڑھائی جاتی، اس کیلئے مارکیٹ کا جائزہ لیکر ہی کوئی فیصلہ کیا جائے گا بیکری مالکان اور گوشت کے قیمتوں کے تعین کیلئے کام ہورہاہے بہت جلد چیئرمین پرائس کنٹرول کمیٹی کے منظوری سے نظر ثانی ریٹ جاری کردیں گے بعد ازاں انہوں نے میٹ انسپکٹر کے خلاف روز روز اخبارات میں بیانات سمجھ سے بالاتر ہے تاجر راہنما سمجھداری کا مظاہرہ کرتے ہوئے چیئرمین پرائس کنٹرول کمیٹی کے ساتھ رابطہ میں رہیں تاکہ انتظامیہ اور تاجروں کے درمیان بہترین ورکنگ ریلیشن شپ قائم رہنے میں مدد مل سکے۔ انہوں نے کہا کہ میٹ انسپکٹر ڈاکٹر مشتاق عالم ایک محنتی، ایماندار اور رحمدل آفیسر ہے انکے خلاف باتیں محض غلط فہمی کا نتیجہ ہے تاجروں اور میٹ انسپکٹر کے درمیان غلط فہمیوں کے خاتمے کیلئے کوشش جاری رکھیں گے انہوں نے کہا کہ بہت جلد ایڈ منسٹریٹر تاجروں اور میٹ انسپکٹر کے درمیان غلط فہمی کا خاتمہ کریں گے اس سلسلے میں جلد راہ ہموار کرونگا۔
کوئی تبصرے نہیں:
ایک تبصرہ شائع کریں
کمنٹ ضرور کریں