گلگت ۔ کورونا وائرس بچاو کیلئے ضلعی انتظامیہ نے مہم تیز کردی، ڈپٹی کمشنر نوید احمد

 

گلگت (ثانیہ یوسف)  کورونا وائرس بچاو کیلئے ضلعی انتظامیہ نے مہم تیز کردی، ڈپٹی کمشنر نوید احمد کے ہدایات پر ا یڈ منسٹریٹر میونسپل کارپوریشن گلگت کیپٹن (ر) اسامہ مجید چیمہ نے کورونا وائرس سے بچاو کیلئے شہریوں کو فیس ماسک تقسیم کردئے، تفصیلات کے مطابق جمعرات کے روز اسسٹنٹ کمشنر / ایڈ منسٹریٹر میونسپل کارپوریشن گلگت کیپٹن (ر) اسامہ مجید چیمہ کے حکم پر شہر میں تحصیلدار ہیڈ کوآرٹر مختار احمد اور دیگر سٹاف نے شہریوں کو فیس ماسک تقسیم کرتے ہوئے ہدایات دیں کہ وہ کورونا وائرس کے دوسری لہر سے محفوظ رہنے کیلئے کورونا ایس او پیز پر عمل کریں اور دسروں کو بھی ہدایات دیں کہ وہ بھی کورونا وائرس سے بچاو کیلئے ضلعی انتظامیہ کیجانب سے اٹھائے جانے والے اقدامات پر عملدرآمد کریں، بلڈنگ انسپکٹر میر جملہ اور میونسپل فورس کے جوانوں نے شاہی پولو گراونڈ آنے والے شائقین پولو کو بھی بڑی تعداد میں فیس ماسک تقسیم یقینی بناتے ہوئے انہیں کرونا وائرس ایس او پیز پر عملدرآمد کرنے کیلئے تعاون کی درخواست کی، ترجمان شہر ی حکومت مظہر مغل نے میڈیاکیلئے جاری بیان میں کہاکہ عوام کورونا وائرس کے دوسری اور خطرناک لہرسے خود اور دوسروں کوکورونا وبا سے بچاو کیلئے ضلعی انتظامیہ اور محکمہ صحت کے جانب سے جاری خصوصی ہدایات پر عملدرآمد کریں تاکہ انہیں خطرناک اور عالمی وبا سے محفوظ رہنے میں مدد مل سکے، کورونا وائر س بے احتیاطی کیو جہ سے تیزی سے پھیل رہا ہے جسکے مضر اثرات سے قیمتی جانیں ضائع ہوئیں ہیں سردی کے ساتھ ساتھ کورونا کیسز میں اضافہ کا خدشہ موجود ہے لہذا کورونا وائرس SOPs پر عملدرآمد سے ہی نجات ممکن ہے واضح رہے حال ہی میں کورونا وائرس سردی کے ساتھ دوبارہ پھیل رہا ہے اور اس سے محفوظ اؤرہنے کیلئے سماجی فاصلوں، فیس ماسک کا ستعمال، اور سینی ٹائزرکا استعمال لازمی قراردیا گیا ہے اور بار بار ہاتھ دھونے کی تاکید کی گئی ہے انہی ہدایات پر عملدرآمد کرکے ہم کورونا وائرس جیسے خطرناک وبا سے محفوظ ہوسکتے ہیں