گلگت ۔چیئرمین پرائس کنٹرول کمیٹی گلگت کیپٹن (ر) اسامہ مجید چیمہ کے منظوری سے اشیاء خورد نوش اور بیکری مالکان کیلئے نئے نظر ثانی شدہ نرخنامہ جاری کرچکے۔مظہر علی مغل

آے سی گلگت اسامہ مجید چیمہ سی سی او اور تحصیلدار سے ملاقات کر رہے ہیں

 

گلگت (ثانیہ یوسف) ترجمان ایڈ منسٹریٹر بلدیہ عظمیٰ و پرائس کنٹرول کمیٹی گلگت مظہر علی مغل نے کہاکہ چیئرمین پرائس کنٹرول کمیٹی گلگت کیپٹن (ر) اسامہ مجید چیمہ کے منظوری سے اشیاء خورد نوش اور بیکری   مالکان کیلئے نئے نظر ثانی شدہ نرخنامہ جاری کرچکے ہیں، جس پر عملدرآمدکیلئے پرائس کنٹرول کمیٹی سیکٹر مجسٹریٹس، فوڈ انسپکٹر، اور میونسپل مجسٹریٹ کے ذریعے عملدرآمد یقینی بنانے کیلئے کوشاں ہے، انہوں نے واضح کردیاہے کہ پورے ملک کے چاروں صوبوں، آذاد کشمیر سمیت اسلام آباد میں بھی بیکری تیار شدہ آئٹم کی خریدوفروخت کیلئے تھوک ریٹس نہیں لگتی بلکہ بیکری مالکان خو د اپنے کسٹمرز کیلئے تھوک ریٹ لاگو کرتے ہیں اور یہ پریکٹس گلگت میں کئی عرصے سے جاری ہے، ضلعی انتظامیہ پرائس کنٹرول کمیٹی کے جانب پرچون نرخوں پر مبنی ریٹ لسٹ ہی جاری کرتی ہے لہذا مقامی میڈیا ورکرز اس سلسلے میں پرائس کنٹرول کمیٹی گلگت سے رابطہ میں رہیں انہیں انکے ضرورت کے مطابق معلومات دئے جائیں گے آنکھیں بند کرکے رپورٹنگ کرنا اپنے فریضہ سے رو گردانی کرنے کے مترادف ہے شہر سے تعلق رکھنے والے کسی بھی معزز شہر ی کے تحفظات دور کرنے کیلئے اسسٹنٹ سیکریٹری پرائس کنٹرول کمیٹی سے ہمہ وقت کوشاں ہے یہ باتیں سوموار کے روز میڈیا کیلئے جاری ایک بیان میں کہا، انہوں نے کہا کہ پرائس کنٹرول کمیٹی کے جانب سے جاری خوردہ قیمتوں پر ہرحال میں عملدرآمد کریں گے خلاف ورزی پر پرائس کنٹرول ایکٹ کے تحت کاروائی ہوگی۔