استور ( غلام مصطفٰی )ضلعی انتظامیہ استور کے زیر اہتمام سال کا آخری ہفتہ ہائکنگ اپنے اختتام کو پہنچا.اس حوالے سے اختتامی تقریب فچنگ فینہ میں منعقد ہوئی.تقریب کے مہمان خصوصی ڈپٹی کمشنر استور محمد طارق تھے.تقریب میں ایس پی استور حاجی جان محمد سمیت محکمہ جات کے سربراہان, صحافی, ہائکرز اور سول سوساٹی کے افراد شریک تھے.تقریب سے خطاب کرتے ہوئے ڈپٹی کمشنر استور نے کہا کہ سال کا آخری ہفتہ ہائکنگ منانے کو مقصد سیاحوں کو اس شعبے کی طرف راغب کرنا اور علاقے کے سیاحتی مقامات کی تسخیر کرنا ہے.انہوں نے کہا کہ اس قسم کی سرگرمیوں سے ایک طرف علاقے کا ایک اچھا تاثر جائے گا تو دوسری طرف سیاحت کے شعبے کی ترویج میں مدد ملے گی.علاقے کی ترقی کا دارومدار سیاحت کی ترقی پر منحصر ہے اس لیے سیاحت کی ترقی کے لیے ہم سب کو اپنا کردار ادا کرنا ہوگا. انہوں نے کہا کہ ضلعی انتظامیہ استور سیاحت سے متعلق سرگرمیوں کو فروغ دینے اور اس میں عوامی شرکت کو یقینی بنانے کے لیے اقدامات کرئے گی تاکہ علاقے کی ترقی ممکن ہوسکے.اس سے پہلے شرکاء نے مقررہ پوائنٹ تک ہائکنگ کی بعد میں ڈپٹی کمشنر نے شرکاء میں اسناد تقسیم کیے
کوئی تبصرے نہیں:
ایک تبصرہ شائع کریں
کمنٹ ضرور کریں