ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﮐﮯ ﺩﺭﻣﯿﺎﻥ ﺟﻨﮓ ﭼﮭﮍﯼ ﺗﻮ ﻓﺎﺋﺪﮦ ﮐﻮﻥ ﺍﭨﮭﺎﺋﮯ ﮔﺎ؟
ﺁﺻﻒ ﺷﺎﮨﺪ تحریر
ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﮐﮯ ﺩﺭﻣﯿﺎﻥ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﺎ ﺗﻨﺎﺯﻉ 30 ﺳﺎﻝ ﺳﮯ ﭼﻼ ﺁ ﺭﮨﺎ ﮨﮯ ﺍﻭﺭ ﺍﺱ ﺳﺎﻝ
ﺩﻭﻧﻮﮞ ﻣﻠﮑﻮﮞ ﮐﮯ ﺳﺮﺣﺪﯼ ﺗﺼﺎﺩﻡ ﻧﮯ ﺍﺱ ﺗﻨﺎﺯﻉ ﮐﯽ ﺳﻨﮕﯿﻨﯽ ﺍﺱ ﻗﺪﺭ ﺑﮍﮬﺎ ﺩﯼ ﮨﮯ ﮐﮧ ﻣﮑﻤﻞ ﺟﻨﮓ ﮐﮯ ﺧﻄﺮﺍﺕ ﭘﯿﺪﺍ ﮨﻮﮔﺌﮯ ﮨﯿﮟ۔
1990 ﺀ ﮐﯽ ﺟﻨﮓ ﮐﮯ ﺑﻌﺪ ﺑﮭﯽ ﺩﻭﻧﻮﮞ ﻣﻠﮑﻮﮞ ﻣﯿﮟ ﺳﺮﺣﺪﯼ ﺟﮭﮍﭘﯿﮟ ﮨﻮﺗﯽ ﺭﮨﯽ ﮨﯿﮟ ﻟﯿﮑﻦ ﺍﺱ ﺑﺎﺭ ﯾﮧ ﺗﺼﺎﺩﻡ ﭘﻮﺭﮮ ﺑﺎﺭﮈﺭ ﭘﺮ ﮨﮯ، ﺍﻭﺭ ﺩﻭﻧﻮﮞ ﻃﺮﻑ ﺳﮯ ﺗﻮﭖ ﺧﺎﻧﮯ ﺍﻭﺭ ﺑﮭﺎﺭﯼ ﮨﺘﮭﯿﺎﺭﻭﮞ ﮐﮯ ﺍﺳﺘﻌﻤﺎﻝ ﮐﯽ ﻭﺟﮧ ﺳﮯ ﺑﮍﮮ ﭘﯿﻤﺎﻧﮯ ﭘﺮ ﺷﮩﺮﯼ ﮨﻼﮐﺘﻮﮞ ﮐﺎ ﺧﺪﺷﮧ ﮨﮯ ﺍﻭﺭ ﺍﮔﺮ ﺍﯾﺴﺎ ﮨﻮﺗﺎ ﮨﮯ ﺗﻮ ﻣﮑﻤﻞ ﺟﻨﮓ ﮐﻮ ﺳﻔﺎﺭﺗﯽ ﺫﺭﺍﺋﻊ ﺳﮯ ﭨﺎﻟﻨﺎ ﻣﺸﮑﻞ ﮨﻮﺟﺎﺋﮯ ﮔﺎ۔
ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﮐﮯ ﺗﻨﺎﺯﻉ ﻣﯿﮟ ﺗﺮﮐﯽ، ﺭﻭﺱ ﺍﻭﺭ ﺍﯾﺮﺍﻥ ﮐﺎ ﮐﺮﺩﺍﺭ ﺍﮨﻢ ﮨﮯ ﺟﻮ ﻣﺸﺮﻕِ ﻭﺳﻄﯽٰ ﺍﻭﺭ ﯾﻮﺭﭖ ﻣﯿﮟ ﮐﺌﯽ ﻣﻌﺎﻣﻼﺕ ﭘﺮ ﯾﮑﺴﺎﮞ ﻣﻮٔﻗﻒ ﺭﮐﮭﺘﮯ ﮨﯿﮟ ﻟﯿﮑﻦ ﺍﺱ ﺗﻨﺎﺯﻉ ﻣﯿﮟ ﺳﺐ ﮐﮯ ﺍﭘﻨﮯ ﻣﻔﺎﺩﺍﺕ ﮨﯿﮟ۔
ﻣﺎﺳﮑﻮ ﺁﺭﻣﯿﻨﯿﺎ ﮐﺎ ﺩﻓﺎﻋﯽ ﭘﺎﺭﭨﻨﺮ ﮨﮯ ﺍﻭﺭ ﺭﻭﺱ ﮐﯽ ﺷﺮﺍﮐﺖ ﺩﺍﺭﯼ ﺁﺭﻣﯿﻨﯿﺎ ﮐﮯ ﻟﯿﮯ ﻻﺋﻒ ﻻﺋﻦ ﺟﯿﺴﯽ ﺍﮨﻤﯿﺖ ﺭﮐﮭﺘﯽ ﮨﮯ ﺟﺒﮑﮧ ﺗﺮﮐﯽ ﮨﻢ ﻧﺴﻞ ﺁﺫﺭﺑﺎﺋﯿﺠﺎﻥ ﮐﯽ ﭘﺸﺖ ﭘﺮ ﮐﮭﮍﺍ ﮨﮯ۔ ﺍﮔﺮ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﻣﯿﮟ ﻣﮑﻤﻞ ﺟﻨﮓ ﭼﮭﮍﺗﯽ ﮨﮯ ﺗﻮ ﺗﺮﮐﯽ ﺍﻭﺭ ﺭﻭﺱ ﺑﮭﯽ ﺍﺱ ﻣﯿﮟ ﮐﻮﺩ ﺳﮑﺘﮯ ﮨﯿﮟ ﺍﻭﺭ ﺟﻨﮓ ﮐﮯ ﺍﺛﺮﺍﺕ ﺍﺱ ﺧﻄﮯ ﺳﮯ ﺑﺎﮨﺮ ﺩُﻭﺭ ﺗﮏ ﺟﺎﺋﯿﮟ ﮔﮯ۔
ﻗﻔﻘﺎﺯ ﺟﻨﻮﺏ ﻣﺸﺮﻗﯽ ﯾﻮﺭﭖ ﻣﯿﮟ ﺍﺳﭩﺮﯾﭩﺠﮏ ﺍﮨﻤﯿﺖ ﮐﺎ ﺍﯾﮏ ﭘﮩﺎﮌﯼ ﻋﻼﻗﮧ ﮨﮯ ﺟﺲ ﭘﺮ ﮐﻨﭩﺮﻭﻝ ﮐﮯ ﻟﯿﮯ ﻣﺴﻠﻤﺎﻥ ﺍﻭﺭ ﻋﯿﺴﺎﺋﯽ ﺣﮑﻤﺮﺍﻥ ﺻﺪﯾﻮﮞ ﺳﮯ ﻟﮍﺗﮯ ﺭﮨﮯ ﮨﯿﮟ۔ ﺁﺝ ﮐﺎ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﺍﺳﯽ ﺧﻄﮯ ﻣﯿﮟ ﻭﺍﻗﻊ ﮨﯿﮟ ﺍﻭﺭ 1920 ﺀ ﻣﯿﮟ ﺟﺐ ﺳﻮﻭﯾﺖ ﯾﻮﻧﯿﻦ ﻭﺟﻮﺩ ﻣﯿﮟ ﺁﯾﺎ ﺗﻮ ﺩﻭﻧﻮﮞ ﺍﺱ ﮐﺎ ﺣﺼﮧ ﺑﻦ ﮔﺌﮯ۔
ﻧﯿﮕﻮﺭﻧﻮ - ﮐﺎﺭﺍﺑﺎﺥ ﻣﯿﮟ ﺁﺭﻣﯿﻨﯿﺎﺋﯽ ﺁﺑﺎﺩﯼ ﮐﯽ ﺍﮐﺜﺮﯾﺖ ﺗﮭﯽ ﻟﯿﮑﻦ ﺳﻮﻭﯾﺖ ﯾﻮﻧﯿﻦ ﻧﮯ ﺍﺳﮯ ﺁﺫﺭﺑﺎﺋﯿﺠﺎﻥ ﮐﮯ ﮐﻨﭩﺮﻭﻝ ﻣﯿﮟ ﺩﯾﺎ ۔ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﮯ ﺁﺭﻣﯿﻨﯿﺎﺋﯽ ﺑﺎﺷﻨﺪﮮ ﺁﺫﺭﺑﺎﺋﯿﺠﺎﻥ ﺳﮯ ﻧﮑﻞ ﮐﺮ ﺁﺭﻣﯿﻨﯿﺎ ﻣﯿﮟ ﺟﺎﻧﮯ ﮐﺎ ﻣﻄﺎﻟﺒﮧ ﮐﺮﺗﮯ ﺭﮨﮯ ﻟﯿﮑﻦ ﺳﻮﻭﯾﺖ ﯾﻮﻧﯿﻦ ﻧﮯ ﺍﺱ ﻣﻄﺎﻟﺒﮯ ﭘﺮ ﺗﻮﺟﮧ ﻧﮩﯿﮟ ﺩﯼ۔
1980 ﺀ ﮐﯽ ﺩﮨﺎﺋﯽ ﻣﯿﮟ ﺟﺐ ﺳﻮﯾﺖ ﯾﻮﻧﯿﻦ ﺑﮑﮭﺮﻧﮯ ﮐﻮ ﺗﮭﺎ ﺍﻭﺭ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﯽ ﻋﻼﻗﺎﺋﯽ ﭘﺎﺭﻟﯿﻤﻨﭧ ﻧﮯ ﺁﺭﻣﯿﻨﯿﺎ ﮐﺎ ﺣﺼﮧ ﺑﻨﻨﮯ ﮐﯽ ﻗﺮﺍﺭﺩﺍﺩ ﻣﻨﻈﻮﺭ ﮐﯽ، ﺗﻮ ﺁﺫﺭﺑﺎﺋﯿﺠﺎﻥ ﻧﮯ ﻋﻠﯿﺤﺪﮔﯽ ﭘﺴﻨﺪﯼ ﮐﻮ ﺩﺑﺎﻧﮯ ﮐﯽ ﮐﻮﺷﺶ ﮐﯽ ﺟﺒﮑﮧ ﺁﺭﻣﯿﻨﯿﺎ ﻧﮯ ﺍﺱ ﻋﻠﯿﺤﺪﮔﯽ ﮐﯽ ﺗﺤﺮﯾﮏ ﮐﻮ ﻣﺪﺩ ﺩﯼ ﺟﺲ ﭘﺮ ﻧﺴﻠﯽ ﺟﻨﮓ ﭼﮭﮍﮔﺌﯽ۔ ﻟﯿﮑﻦ ﺟﺐ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﻧﮯ ﺳﻮﻭﯾﺖ ﯾﻮﻧﯿﻦ ﺳﮯ ﺁﺯﺍﺩﯼ ﮐﺎ ﺍﻋﻼﻥ ﮐﯿﺎ ﺗﻮ ﺩﻭﻧﻮﮞ ﻣﻠﮑﻮﮞ ﮐﮯ ﺩﺭﻣﯿﺎﻥ ﻣﮑﻤﻞ ﺟﻨﮓ ﭼﮭﮍﮔﺌﯽ۔ ﺍﺱ ﺟﻨﮓ ﻣﯿﮟ ﮨﺰﺍﺭﻭﮞ ﺍﻓﺮﺍﺩ ﻣﺎﺭﮮ ﮔﺌﮯ ﺍﻭﺭ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺳﮯ ﺗﺮﮎ ﺁﺫﺭﯼ ﻧﺴﻞ ﮐﮯ ﻻﮐﮭﻮﮞ ﺑﺎﺷﻨﺪﻭﮞ ﮐﻮ ﺑﮯ ﺩﺧﻞ ﮐﺮﺩﯾﺎ ﮔﯿﺎ۔ ﺍﺱ ﮐﮯ ﻧﺘﯿﺠﮯ ﻣﯿﮟ ﺩﻭﻧﻮﮞ ﻣﻠﮑﻮﮞ ﺳﮯ ﻧﺴﻠﯽ ﺑﻨﯿﺎﺩﻭﮞ ﭘﺮ ﻣﺰﯾﺪ ﻻﮐﮭﻮﮞ ﺍﻓﺮﺍﺩ ﺑﮯ ﮔﮭﺮ ﮨﻮﺋﮯ۔
ﻧﮕﻮﺭﻧﻮ ﮐﺎﺭﺍﺑﺎﺭﺍﺥ ﮐﮯ ﺁﺭﻣﯿﻨﯿﺎﺋﯽ ﻋﯿﺴﺎﺋﯿﻮﮞ ﮐﻮ ﺁﺭﻣﯿﻨﯿﺎ ﮐﯽ ﻣﮑﻤﻞ ﻣﺪﺩ ﺣﺎﺻﻞ ﺗﮭﯽ، ﺍﻭﺭ ﻣﻘﺎﻣﯽ ﺁﺭﻣﯿﻨﯿﺎﺋﯽ ﺁﺑﺎﺩﯼ ﻧﮯ ﺁﺫﺭﯼ ﺗﺮﮎ ﻧﺴﻞ ﮐﮯ ﺑﺎﺷﻨﺪﻭﮞ ﮐﻮ ﺑﮯ ﺩﺧﻞ ﮐﺮﮐﮯ ﺩﺍﺭﺍﻟﺤﮑﻮﻣﺖ ﺑﺎﮐﻮ ﺳﮯ ﻗﻄﻊ ﺗﻌﻠﻖ ﮐﺮﻟﯿﺎ ﺍﻭﺭ ﺧﻮﺩﻣﺨﺘﺎﺭﯼ ﮐﺎ ﺩﻋﻮﯼٰ ﮐﯿﺎ۔
ﭘﮭﺮ 1994 ﺀ ﻣﯿﮟ ﺭﻭﺱ ﻧﮯ ﺩﻭﻧﻮﮞ ﻣﻠﮑﻮﮞ ﻣﯿﮟ ﺟﻨﮓ ﺑﻨﺪﯼ ﮐﺮﺍﺋﯽ۔ ﺍﺱ ﺟﻨﮓ ﺑﻨﺪﯼ ﻣﻌﺎﮨﺪﮮ ﮐﮯ ﺗﺤﺖ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺁﺫﺭﺑﺎﺋﯿﺠﺎﻥ ﮐﺎ ﺣﺼﮧ ﻗﺮﺍﺭ ﭘﺎﯾﺎ ﻟﯿﮑﻦ ﻋﻤﻠﯽ ﻃﻮﺭ ﭘﺮ ﺁﺭﻣﯿﻨﯿﺎ ﮐﮯ ﮐﻨﭩﺮﻭﻝ ﻣﯿﮟ ﮨﮯ ﺟﺲ ﮐﺎ ﺍﻧﺘﻈﺎﻡ ﻣﻘﺎﻣﯽ ﺁﺭﻣﯿﻨﯿﺎﺋﯽ ﺑﺎﺷﻨﺪﻭﮞ ﮐﮯ ﺳﭙﺮﺩ ﮨﮯ ﺍﻭﺭ ﻣﻘﺎﻣﯽ ﺍﻧﺘﻈﺎﻣﯿﮧ ﺁﺯﺍﺩ ﺍﻭﺭ ﺧﻮﺩﻣﺨﺘﺎﺭ ﺟﻤﮩﻮﺭﯾﮧ ﮨﻮﻧﮯ ﮐﯽ ﺩﻋﻮﯾﺪﺍﺭ ﮨﮯ۔ ﺑﯿﻦ ﺍﻻﻗﻮﺍﻣﯽ ﺑﺮﺍﺩﺭﯼ ﮐﮯ ﻧﺰﺩﯾﮏ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺁﺝ ﺑﮭﯽ ﻣﻘﺒﻮﺿﮧ ﻋﻼﻗﮧ ﮨﮯ۔ 30 ﺳﺎﻝ ﺳﮯ ﺯﯾﺎﺩﮦ ﻋﺮﺻﮧ ﮔﺰﺭﻧﮯ ﮐﮯ ﺑﺎﻭﺟﻮﺩ ﻋﺎﻟﻤﯽ ﺑﺮﺍﺩﺭﯼ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﺎ ﺗﻨﺎﺯﻉ ﺣﻞ ﮐﺮﺍﻧﮯ ﻣﯿﮟ ﻧﺎﮐﺎﻡ ﺭﮨﯽ ﮨﮯ ﺟﺲ ﭘﺮ ﺁﺫﺭﺑﺎﺋﯿﺠﺎﻥ ﮐﺎ ﺻﺒﺮ ﺟﻮﺍﺏ ﺩﮮ ﺭﮨﺎ ﮨﮯ۔
ﺍﺱ ﺳﺎﻝ ﺟﻮﻻﺋﯽ ﻣﯿﮟ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﺎ ﻣﺴﺌﻠﮧ ﺍﺱ ﻭﻗﺖ ﻋﺎﻟﻤﯽ ﺑﺮﺍﺩﺭﯼ ﺍﻭﺭ ﺩﻧﯿﺎ ﮐﯽ ﺗﻮﺟﮧ ﮐﺎ ﻣﺮﮐﺰ ﺑﻨﺎ ﺟﺐ ﺁﺭﻣﯿﻨﯿﺎ ﻧﮯ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﯽ ﺳﺮﺣﺪ ﺳﮯ ﺩُﻭﺭ ﺁﺫﺭﺑﺎﺋﯿﺠﺎﻥ ﮐﯽ ﻓﻮﺭﺳﺰ ﮐﻮ ﻧﺸﺎﻧﮧ ﺑﻨﺎﯾﺎ۔ ﺍﮔﺴﺖ ﻣﯿﮟ ﺁﺫﺭﺑﺎﺋﯿﺠﺎﻥ ﻧﮯ ﺁﺭﻣﯿﻨﯿﺎ ﮐﮯ ﺍﯾﮏ ﻣﻠﭩﺮﯼ ﮐﻤﺎﻧﮉﺭ ﮐﻮ ﮔﺮﻓﺘﺎﺭ ﮐﯿﺎ ﺍﻭﺭ ﺍﻟﺰﺍﻡ ﻟﮕﺎﯾﺎ ﮐﮧ ﻭﮦ ﻣﻠﮏ ﻣﯿﮟ ﺳﺒﻮﺗﺎﮊ ﮐﯽ ﮐﺎﺭﺭﻭﺍﺋﯿﻮﮞ ﮐﮯ ﻟﯿﮯ ﺩﺍﺧﻞ ﮨﻮﺍ ﺗﮭﺎ۔
ﺍﺱ ﻭﻗﺖ ﭼﻮﻧﮑﮧ ﻟﮍﺍﺋﯽ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺭﯾﺠﻦ ﻣﯿﮟ ﮨﻮ ﺭﮨﯽ ﮨﮯ ﺍﺱ ﻟﯿﮯ ﺁﺫﺭﺑﺎﺋﯿﺠﺎﻥ ﮐﺎ ﺩﻋﻮﯼٰ ﮨﮯ ﮐﮧ ﺁﺭﻣﯿﻨﯿﺎ ﺍﺱ ﭘﺮ ﺣﻤﻠﮧ ﺁﻭﺭ ﮨﻮﺍ ﮐﯿﻮﻧﮑﮧ ﺍﺱ ﮐﯽ ﺍﻓﻮﺍﺝ ﻋﺎﻟﻤﯽ ﺳﻄﺢ ﭘﺮ ﻣﺴﻠﻤﮧ ﻣﻠﮑﯽ ﺣﺪﻭﺩ ﮐﮯ ﺍﻧﺪﺭ ﻟﮍ ﺭﮨﯽ ﮨﯿﮟ۔ ﺍﺱ ﺍﻋﺘﺒﺎﺭ ﺳﮯ ﺁﺫﺭﺑﺎﺋﯿﺠﺎﻥ ﺁﺭﻣﯿﻨﯿﺎ ﮐﻮ ﺟﺎﺭﺡ ﻃﺎﻗﺖ ﻗﺮﺍﺭ ﺩﯾﺘﺎ ﮨﮯ۔ ﺩﻭﺳﺮﯼ ﻃﺮﻑ ﺁﺭﻣﯿﻨﯿﺎ ﮐﯽ ﭘﺎﺭﻟﯿﻤﻨﭧ ﻧﮯ ﺁﺫﺭﺑﺎﺋﯿﺠﺎﻥ ﮐﯽ ﻃﺮﻑ ﺳﮯ ’ ﻣﮑﻤﻞ ﺟﻨﮓ ﭼﮭﯿﮍﻧﮯ ‘ ﮐﯽ ﻣﺬﻣﺖ ﮐﯽ ﮨﮯ ﺍﻭﺭ ﺁﺭﻣﯿﻨﯿﺎ ﮐﯽ ﻭﺯﺍﺭﺕِ ﺧﺎﺭﺟﮧ ﮐﯽ ﺧﺎﺗﻮﻥ ﺗﺮﺟﻤﺎﻥ ﻧﮯ ﺍﻟﺰﺍﻡ ﻟﮕﺎﯾﺎ ﮐﮧ ﺗﺮﮐﯽ ﮐﮯ ﻓﻮﺟﯽ ﻣﺎﮨﺮﯾﻦ ﺁﺫﺭﺑﺎﺋﯿﺠﺎﻥ ﮐﯽ ﻓﻮﺝ ﮐﮯ ﺷﺎﻧﮧ ﺑﺸﺎﻧﮧ ﻟﮍ ﺭﮨﮯ ﮨﯿﮟ ﺍﻭﺭ ﺗﺮﮐﯽ ﻧﮯ ﺁﺫﺭﺑﺎﺋﯿﺠﺎﻥ ﮐﻮ ﻟﮍﺍﮐﺎ ﻃﯿﺎﺭﮮ ﺍﻭﺭ ﮈﺭﻭﻧﺰ ﻓﺮﺍﮨﻢ ﮐﯿﮯ ﮨﯿﮟ۔ ﻟﯿﮑﻦ ﺁﺫﺭﺑﺎﺋﯿﺠﺎﻥ ﺍﻥ ﺍﻟﺰﺍﻣﺎﺕ ﮐﻮ ﻣﺴﺘﺮﺩ ﮐﺮ ﺭﮨﺎ ﮨﮯ۔ ﺁﺭﻣﯿﻨﯿﺎ ﮐﯽ ﻃﺮﻑ ﺳﮯ ﯾﮧ ﺍﻟﺰﺍﻡ ﺑﮭﯽ ﻟﮕﺎﯾﺎ ﮔﯿﺎ ﮐﮧ ﺗﺮﮐﯽ ﻧﮯ ﺍﭘﻨﮯ ﺯﯾﺮِ ﺗﺴﻠﻂ ﺷﺎﻡ ﮐﮯ ﻋﻼﻗﻮﮞ ﺳﮯ ﺟﻨﮕﺠﻮ ﺁﺫﺭﺑﺎﺋﯿﺠﺎﻥ ﺑﮭﺠﻮﺍﺋﮯ ﮨﯿﮟ ﺟﻮ ﺁﺫﺭﯼ ﻓﻮﺝ ﮐﮯ ﺳﺎﺗﮫ ﻣﻞ ﮐﺮ ﻟﮍ ﺭﮨﮯ ﮨﯿﮟ۔
ﺗﺮﮐﯽ ﻣﯿﮟ ﺗﻌﯿﻨﺎﺕ ﺁﺫﺭﺑﺎﺋﯿﺠﺎﻥ ﮐﮯ ﺳﻔﯿﺮ ﻧﮯ ﺍﻟﺰﺍﻡ ﻟﮕﺎﯾﺎ ﮨﮯ ﮐﮧ ﺁﺭﻣﯿﻨﯿﺎ ﻧﮯ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﻣﯿﮟ ﮐﺮﺩﺳﺘﺎﻥ ﻭﺭﮐﺮﺯ ﭘﺎﺭﭨﯽ ( ﭘﯽ ﮐﮯ ﮐﮯ ) ﺍﻭﺭ ﺁﺭﻣﯿﻨﯿﻦ ﺳﯿﮑﺮﭦ ﺁﺭﻣﯽ ﻓﺎﺭ ﻟﺒﺮﯾﺸﻦ ﺁﻑ ﺁﺭﻣﯿﻨﯿﺎ ( ﺍﮮ ﺍﯾﺲ ﺍﮮ ﺍﯾﻞ ﺍﮮ ) ﮐﮯ ’ ﺩﮨﺸﺘﮕﺮﺩ ‘ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﯽ ﻟﮍﺍﺋﯽ ﻣﯿﮟ ﺑﮭﺠﻮﺍﺋﮯ ﮨﯿﮟ ﺍﻭﺭ ﻭﮦ ﺁﺫﺭﺑﺎﺋﯿﺠﺎﻥ ﻣﯿﮟ ﻣﺰﯾﺪ ﻋﻼﻗﻮﮞ ﭘﺮ ﻗﺒﻀﮧ ﮐﺮﻧﺎ ﭼﺎﮨﺘﺎ ﮨﮯ۔ ﺍﺱ ﺳﮯ ﭘﮩﻠﮯ ﺗﺮﮎ ﻣﯿﮉﯾﺎ ﻣﯿﮟ ﺩﻋﻮﯼٰ ﮐﯿﺎ ﮔﯿﺎ ﺗﮭﺎ ﮐﮧ ﮐﺮﺩﺳﺘﺎﻥ ﻭﺭﮐﺮﺯ ﭘﺎﺭﭨﯽ ﮐﮯ ﺩﮨﺸﺘﮕﺮﺩﻭﮞ ﮐﻮ ﺷﺎﻡ ﻣﯿﮟ ﺗﺮﺑﯿﺖ ﺩﯾﻨﮯ ﮐﮯ ﺑﻌﺪ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺑﮭﺠﻮﺍﯾﺎ ﮔﯿﺎ ﮨﮯ ﺟﻮ ﺁﺭﻣﯿﻨﯿﺎ ﮐﮯ ﺩﮨﺸﺘﮕﺮﺩﻭﮞ ﮐﯽ ﺗﺮﺑﯿﺖ ﮐﺮﯾﮟ ﮔﮯ ﺍﻭﺭ ﺁﺭﻣﯿﻨﯿﺎ ﺗﺮﮐﯽ ﮐﮯ ﺧﻼﻑ ﺍﯾﮏ ﺍﻭﺭ ﻣﺤﺎﺫ ﮐﮭﻮﻟﻨﺎ ﭼﺎﮨﺘﺎ ﮨﮯ۔
ﺁﺫﺭﺑﺎﺋﯿﺠﺎﻥ ﮐﮯ ﺍﻋﻼﻥِ ﺁﺯﺍﺩﯼ ﮐﮯ ﺑﻌﺪ ﺍﺳﮯ ﺗﺴﻠﯿﻢ ﮐﺮﻧﮯ ﻭﺍﻻ ﭘﮩﻼ ﻣﻠﮏ ﺗﺮﮐﯽ ﺗﮭﺎ ﺍﻭﺭ ﺁﺫﺭﺑﺎﺋﯿﺠﺎﻥ ﮐﮯ ﭘﮩﻠﮯ ﺻﺪﺭ ﺣﯿﺪﺭ ﻋﻠﯿﻮﻑ ﻧﮯ ﺍﯾﮏ ﺑﺎﺭ ﮐﮩﺎ ﺗﮭﺎ ﮐﮧ ﺗﺮﮐﯽ ﺍﻭﺭ ﺁﺫﺭﺑﺎﺋﯿﺠﺎﻥ ﺍﯾﮏ ﻗﻮﻡ ﺍﻭﺭ ﺩﻭ ﺭﯾﺎﺳﺘﯿﮟ ﮨﯿﮟ۔ ﺩﻭﻧﻮﮞ ﻣﻠﮑﻮﮞ ﮐﯽ ﺍﮐﺜﺮﯾﺘﯽ ﺁﺑﺎﺩﯼ ﺗﺮﮎ ﻧﺴﻞ ﺳﮯ ﮨﮯ۔ ﺗﺮﮐﯽ ﮐﮯ ﺁﺭﻣﯿﻨﯿﺎ ﮐﮯ ﺳﺎﺗﮫ ﺳﻔﺎﺭﺗﯽ ﺭﻭﺍﺑﻂ ﺁﺝ ﺗﮏ ﻗﺎﺋﻢ ﻧﮩﯿﮟ ﮨﻮﺳﮑﮯ ﺍﻭﺭ ﺗﺮﮐﯽ ﻧﮯ 1993 ﺀ ﻣﯿﮟ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﺟﻨﮓ ﮐﮯ ﺩﻭﺭﺍﻥ ﺁﺭﻣﯿﻨﯿﺎ ﮐﮯ ﻟﯿﮯ ﺍﭘﻨﯽ ﺳﺮﺣﺪﯾﮟ ﺑﻨﺪ ﮐﺮﺩﯼ ﺗﮭﯿﮟ۔ ﺁﺫﺭﺑﺎﺋﯿﺠﺎﻥ ﻣﯿﮟ ﺗﺮﮐﯽ ﮐﺎ ﻓﻮﺟﯽ ﺍﮈﮦ ﮨﮯ ﺟﺒﮑﮧ ﺁﺭﻣﯿﻨﯿﺎ ﻣﯿﮟ ﺭﻭﺱ ﮐﺎ ﻓﻮﺟﯽ ﺍﮈﮦ ﮨﻮﻧﮯ ﮐﮯ ﺳﺎﺗﮫ ﺩﻭﻧﻮﮞ ﻣﻠﮏ ﺍﺟﺘﻤﺎﻋﯽ ﺳﯿﮑﯿﻮﺭﭨﯽ ﻣﻌﺎﮨﺪﮮ ( ﺳﯽ ﺍﯾﺲ ﭨﯽ ﺍﻭ ) ﮐﮯ ﺭﮐﻦ ﮨﯿﮟ۔
ﺗﺮﮐﯽ ﺍﻭﺭ ﺁﺭﻣﯿﻨﯿﺎ ﮐﺎ ﺟﮭﮕﮍﺍ ﭘﺮﺍﻧﺎ ﮨﮯ۔ ﺟﻨﮓِ ﻋﻈﯿﻢ ﺍﻭّﻝ ﮐﮯ ﺩﻭﺭﺍﻥ ﺧﻼﻓﺖِ ﻋﺜﻤﺎﻧﯿﮧ ﻧﮯ ﻣﺸﺮﻗﯽ ﺍﻧﺎﻃﻮﻟﯿﮧ ﺳﮯ ﮨﺰﺍﺭﻭﮞ ﺁﺭﻣﯿﻨﯿﺎﺋﯽ ﺑﺎﺷﻨﺪﻭﮞ ﮐﻮ ﺷﺎﻡ ﮐﮯ ﺻﺤﺮﺍ ﺍﻋﺮ ﻭ ﺩﯾﮕﺮ ﻋﻼﻗﻮﮞ ﮐﯽ ﻃﺮﻑ ﺩﮬﮑﯿﻼ ﺗﮭﺎ ﺍﻭﺭ ﯾﮧ ﺁﺭﻣﯿﻨﯿﺎﺋﯽ ﺑﺎﺷﻨﺪﮮ ﺻﺤﺮﺍ ﻣﯿﮟ ﺑﮭﻮﮎ ﺍﻭﺭ ﭘﯿﺎﺱ ﺳﮯ ﮨﻼﮎ ﮨﻮﮔﺌﮯ ﺗﮭﮯ۔ ﺑﮭﻮﮎ ﭘﯿﺎﺱ ﺳﮯ ﻣﺮﻧﮯ ﻭﺍﻟﮯ ﺁﺭﻣﯿﻨﯿﺎﺋﯽ ﺑﺎﺷﻨﺪﻭﮞ ﮐﯽ ﺗﻌﺪﺍﺩ ﭘﺮ ﺍﺧﺘﻼﻑ ﮨﮯ۔ ﺁﺭﻣﯿﻨﯿﺎ ﮐﺎ ﺩﻋﻮﯼٰ ﮨﮯ ﮐﮧ 15 ﻻﮐﮫ ﺍﻓﺮﺍﺩ ﻣﺎﺭﮮ ﮔﺌﮯ ﺟﺒﮑﮧ ﺗﺮﮐﯽ ﺁﺭﻣﯿﻨﯿﺎﺋﯽ ﻧﺴﻞ ﮐﮯ ﻟﻮﮔﻮﮞ ﭘﺮ ﻇﻠﻢ ﮐﺎ ﻋﺘﺮﺍﻑ ﮐﺮﺗﺎ ﮨﮯ ﻟﯿﮑﻦ ﺍﺱ ﮐﮯ ﻣﻄﺎﺑﻖ ﯾﮧ ﺗﻌﺪﺍﺩ 3 ﻻﮐﮫ ﺳﮯ ﺯﯾﺎﺩﮦ ﻧﮩﯿﮟ۔ ﺗﻌﺪﺍﺩ ﮐﺎ ﺗﻨﺎﺯﻉ ﮨﯽ ﺍﻥ ﮨﻼﮐﺘﻮﮞ ﮐﻮ ﻧﺴﻞ ﮐﺸﯽ ﻗﺮﺍﺭ ﺩﯾﻨﮯ ﻣﯿﮟ ﺭﮐﺎﻭﭦ ﮨﮯ۔ ﺁﺝ ﺑﮭﯽ ﺁﺭﻣﯿﻨﯿﺎ ﺟﻨﮓِ ﻋﻈﯿﻢ ﺍﻭّﻝ ﮐﮯ ﺩﻭﺭﺍﻥ ﻣﺎﺭﮮ ﮔﺌﮯ ﺑﺎﺷﻨﺪﻭﮞ ﮐﯽ ﮨﻼﮐﺘﻮﮞ ﮐﻮ ﻧﺴﻞ ﮐﺸﯽ ﻗﺮﺍﺭ ﺩﻟﻮﺍﻧﮯ ﮐﯽ ﮐﻮﺷﺶ ﮐﺮﺗﺎ ﮨﮯ ﺟﺒﮑﮧ ﺍﻣﺮﯾﮑﯽ ﮐﺎﻧﮕﺮﯾﺲ ﻣﯿﮟ ﺑﮭﯽ ﺍﺳﮯ ﻧﺴﻞ ﮐﺸﯽ ﮐﮩﺎ ﮔﯿﺎ ﻟﯿﮑﻦ ﺻﺪﺭ ﭨﺮﻣﭗ ﻧﮯ ﺍﺳﮯ ﻭﯾﭩﻮ ﮐﺮﺩﯾﺎ۔
ﺁﺫﺭﺑﺎﺋﯿﺠﺎﻥ ﺍﯾﺮﺍﻥ ﮐﺎ ﮨﻤﺴﺎﯾﮧ ﺍﻭﺭ ﮨﻢ ﻣﺴﻠﮏ ﮨﮯ ﺍﺱ ﻟﯿﮯ ﻋﺎﻡ ﻃﻮﺭ ﭘﺮ ﺧﯿﺎﻝ ﮐﯿﺎ ﺟﺎﺗﺎ ﮨﮯ ﮐﮧ ﻭﮦ ﺁﺫﺭﺑﺎﺋﯿﺠﺎﻥ ﮐﺎ ﮨﻤﺪﺭﺩ ﯾﺎ ﻣﺪﺩﮔﺎﺭ ﮨﮯ ﻟﯿﮑﻦ ﺍﯾﺮﺍﻥ ﺧﻔﯿﮧ ﻃﻮﺭ ﭘﺮ ﺁﺭﻣﯿﻨﯿﺎ ﮐﺎ ﺣﺎﻣﯽ ﮨﮯ ﺟﺲ ﮐﯽ ﮐﺌﯽ ﻭﺟﻮﮨﺎﺕ ﮨﯽ ﮞ۔
ﺍﯾﺮﺍﻥ ﺭﻭﺱ ﮐﺎ ﭘﺎﺭﭨﻨﺮ ﮨﻮﻧﮯ ﮐﮯ ﻋﻼﻭﮦ ﺁﺭﻣﯿﻨﯿﺎ ﮐﺎ ﺗﺠﺎﺭﺗﯽ ﺷﺮﺍﮐﺖ ﺩﺍﺭ ﺑﮭﯽ ﮨﮯ۔ ﺍﯾﺮﺍﻥ ﺁﺭﻣﯿﻨﯿﺎ ﮐﮯ ﺫﺭﯾﻌﮯ ﺳﺎﺑﻖ ﺳﻮﻭﯾﺖ ﺭﯾﺎﺳﺘﻮﮞ ﺳﮯ ﺗﺠﺎﺭﺕ ﮐﺮ ﺭﮨﺎ ﮨﮯ ﺟﺒﮑﮧ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﻮ ﺗﯿﻞ ﺑﮭﯽ ﺁﺭﻣﯿﻨﯿﺎ ﮐﮯ ﺭﺍﺳﺘﮯ ﻓﺮﺍﮨﻢ ﮐﺮﺗﺎ ﮨﮯ۔ ﺁﺭﻣﯿﻨﯿﺎ ﮐﮯ ﯾﻮﺭﭘﯽ ﯾﻮﻧﯿﻦ ﮐﮯ ﺳﺎﺗﮫ ﺁﺯﺍﺩ ﺗﺠﺎﺭﺗﯽ ﻣﻌﺎﮨﺪﻭﮞ ﺳﮯ ﺑﮭﯽ ﺗﮩﺮﺍﻥ ﻓﺎﺋﺪﮦ ﺍﭨﮭﺎ ﺭﮨﺎ ﮨﮯ۔ ﺭﻭﺱ ﺍﯾﺮﺍﻥ ﮐﯽ ﻓﻀﺎﺋﯽ ﺣﺪﻭﺩ ﺍﺳﺘﻌﻤﺎﻝ ﮐﺮﮐﮯ ﺁﺭﻣﯿﻨﯿﺎ ﮐﻮ ﮐﻤﮏ ﭘﮩﻨﭽﺎﺗﺎ ﮨﮯ۔ ﺍﺱ ﺳﺐ ﺳﮯ ﺑﮍﮪ ﮐﺮ ﺍﯾﺮﺍﻥ ﮐﺎ ﺳﯿﺎﺳﯽ ﻣﺴﺌﻠﮧ ﺑﮭﯽ ﮨﮯ۔
ﺍﯾﺮﺍﻥ ﻣﯿﮟ ﺁﺫﺭﯼ ﺗﺮﮐﻮﮞ ﮐﯽ ﺑﮍﯼ ﺁﺑﺎﺩﯼ ﻣﻮﺟﻮﺩ ﮨﮯ ﺍﻭﺭ ﺍﻥ ﻣﯿﮟ ﺗﺮﮎ ﻧﯿﺸﻨﻞ ﺍﺯﻡ ﮐﺎ ﮈﺭ ﺍﯾﺮﺍﻥ ﮐﻮ ﮨﺮ ﻭﻗﺖ ﺳﺘﺎﺗﺎ ﮨﮯ۔ ﺍﯾﺮﺍﻥ ﮐﯽ ﺁﺑﺎﺩﯼ ﮐﺎ ﺑﮍﺍ ﺣﺼﮧ ﺧﻮﺩ ﮐﻮ ﺗﺮﮐﯽ ﺍﻟﻨﺴﻞ ﻣﺎﻧﺘﺎ ﮨﮯ ﺟﻦ ﻣﯿﮟ ﺗﺮﮐﻤﺎﻥ ﺍﻭﺭ ﻗﺎﺷﻘﺎﺋﯽ ﺳﻤﯿﺖ ﺩﯾﮕﺮ ﺗﺮﮐﯽ ﺑﻮﻟﻨﮯ ﻭﺍﻟﮯ ﻗﺒﯿﻠﮯ ﺷﺎﻣﻞ ﮨﯿﮟ۔ ﺁﺫﺭﺑﺎﺋﯿﺠﺎﻥ ﮐﯽ ﺁﺑﺎﺩﯼ ﮐﺎ ﺑﮍﺍ ﺣﺼﮧ ﺑﮭﯽ ﺍﯾﺮﺍﻥ ﮐﮯ ﺷﻤﺎﻟﯽ ﻋﻼﻗﮯ ﮐﻮ ﺟﻨﻮﺑﯽ ﺁﺫﺭﺑﺎﺋﯿﺠﺎﻥ ﮐﮩﺘﺎ ﮨﮯ۔ ﺍﺱ ﻋﻼﻗﮯ ﻣﯿﮟ 2 ﮐﺮﻭﮌ ﺍﻓﺮﺍﺩ ﺁﺫﺭﯼ ﻧﺴﻞ ﮐﮯ ﮨﯿﮟ، ﮐﭽﮫ ﺁﺫﺭﯼ ﺩﺍﻧﺸﻮﺭ ﺍﻭﺭ ﻗﻮﻡ ﭘﺮﺳﺖ ﺩﻭﻧﻮﮞ ﺣﺼﻮﮞ ﮐﻮ ﺍﯾﮏ ﺳﯿﺎﺳﯽ ﯾﻮﻧﯿﻦ ﮐﮯ ﺗﺤﺖ ﯾﮑﺠﺎ ﮐﺮﻧﮯ ﮐﺎ ﺗﺼﻮﺭ ﺑﮭﯽ ﭘﯿﺶ ﮐﺮﺗﮯ ﮨﯿﮟ۔
ﺍﯾﺮﺍﻥ ﻣﯿﮟ ﺗﺮﮎ ﻧﺴﻞ ﮐﯽ ﺑﮍﯼ ﺁﺑﺎﺩﯼ ﮐﯽ ﻭﺟﮧ ﺳﮯ ﺧﻮﻑ ﭘﺎﯾﺎ ﺟﺎﺗﺎ ﮨﮯ ﮐﮧ ﮐﺴﯽ ﻣﻮﻗﻊ ﭘﺮ ﺩﻭﻧﻮﮞ ﺁﺫﺭﺑﺎﺋﯿﺠﺎﻥ ﯾﻌﻨﯽ ﺑﺎﮐﻮ ﺍﻭﺭ ﺗﺒﺮﯾﺰ ﺍﮐﭩﮭﮯ ﮨﻮﻧﮯ ﮐﯽ ﮐﻮﺷﺶ ﮐﺮﺳﮑﺘﮯ ﮨﯿﮟ۔ ﺁﺫﺭﺑﺎﺋﯿﺠﺎﻥ ﮐﯽ ﺧﺎﺭﺟﮧ ﭘﺎﻟﯿﺴﯽ ﻣﯿﮟ ﺑﮭﯽ ﮔﺮﯾﭩﺮ ﺁﺫﺭﺑﺎﺋﯿﺠﺎﻥ ﮐﺎ ﺗﺼﻮﺭ ﭘﺎﯾﺎ ﺟﺎﺗﺎ ﮨﮯ۔ ﺣﺎﻟﯿﮧ ﺟﮭﮍﭘﻮﮞ ﻣﯿﮟ ﺁﺫﺭﺑﺎﺋﯿﺠﺎﻥ ﻧﮯ ﻧﯿﮕﻮﺭﻧﻮ - ﮐﺎﺭﺍﺑﺎﺥ ﮐﮯ ﮐﺌﯽ ﺩﯾﮩﺎﺕ ﺍﻭﺭ ﭘﮩﺎﮌﯼ ﭼﻮﭨﯿﺎﮞ ﻗﺒﻀﮯ ﻣﯿﮟ ﻟﯿﻨﮯ ﮐﺎ ﺩﻋﻮﯼٰ ﮐﯿﺎ ﮨﮯ۔ ﺍﮔﺮ ﺁﺯﺭﺑﺎﺋﯿﺠﺎﻥ ﮐﻮ ﺍﺱ ﺟﻨﮓ ﻣﯿﮟ ﺑﺮﺗﺮﯼ ﻣﻠﺘﯽ ﮨﮯ ﺗﻮ ﺗﮩﺮﺍﻥ ﺍﺱ ﭘﺮ ﺑﮯ ﭼﯿﻨﯽ ﻣﺤﺴﻮﺱ ﮐﺮﮮ ﮔﺎ ﻟﯿﮑﻦ ﺑﺎﺿﺎﺑﻄﮧ ﺍﻇﮩﺎﺭ ﺳﮯ ﮔﺮﯾﺰ ﮐﺮﮮ ﮔﺎ۔
ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﮐﯽ ﺟﻨﮓ ﮐﺎ ﺍﯾﮏ ﭘﮩﻠﻮ ﺍﻧﺮﺟﯽ ﺟﯿﻮﭘﻮﻟﯿﭩﮑﺲ ﺑﮭﯽ ﮨﮯ۔ 2018 ﺀ ﻣﯿﮟ ﭨﺮﺍﻧﺲ ﺍﻧﺎﻃﻮﻟﯿﻦ ﻧﯿﭽﺮﻝ ﮔﯿﺲ ﭘﺎﺋﭗ ﻻﺋﻦ ( ﭨﯽ ﺍﮮ ﺍﯾﻦ ﺍﮮ ﭘﯽ ) ﮐﺎ ﺍﻓﺘﺘﺎﺡ ﮨﻮﺍ ۔ ﯾﮧ ﭘﺎﺋﭗ ﻻﺋﻦ ﺁﺫﺭﺑﺎﺋﯿﺠﺎﻥ ﺳﮯ ﺑﺮﺍﺳﺘﮧ ﺟﺎﺭﺟﯿﺎ ﺍﻭﺭ ﺗﺮﮐﯽ ﯾﻮﺭﭖ ﺗﮏ ﮔﯿﺲ ﭘﮩﻨﭽﺎﺗﯽ ﮨﮯ۔ ﺍﺱ ﺟﻨﮓ ﻣﯿﮟ ﺳﺐ ﺳﮯ ﺑﮍﺍ ﺧﻄﺮﮦ ﺍﺱ ﭘﺎﺋﭗ ﻻﺋﻦ ﮐﻮ ﮨﮯ ﺍﻭﺭ ﺍﮔﺮ ﭘﺎﺋﭗ ﻻﺋﻦ ﮐﻮ ﻧﻘﺼﺎﻥ ﭘﮩﻨﭽﺘﺎ ﮨﮯ ﺗﻮ ﺭﻭﺱ ﺍﺱ ﺳﮯ ﻣﺎﯾﻮﺱ ﻧﮩﯿﮟ ﮨﻮﮔﺎ ﮐﯿﻮﻧﮑﮧ ﺍﺱ ﭘﺎﺋﭗ ﻻﺋﻦ ﻧﮯ ﯾﻮﺭﭖ ﮐﯽ ﺍﻧﺮﺟﯽ ﻣﺎﺭﮐﯿﭧ ﭘﺮ ﻣﺎﺳﮑﻮ ﮐﯽ ﮔﺮﻓﺖ ﮐﻤﺰﻭﺭ ﮐﯽ ﮨﮯ۔
ﻣﺎﺳﮑﻮ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﺩﻭﻧﻮﮞ ﮐﻮ ﺍﺳﻠﺤﮧ ﻓﺮﻭﺧﺖ ﮐﺮﺗﺎ ﮨﮯ ﺍﻭﺭ ﺣﺎﻟﯿﮧ ﺑﺮﺳﻮﮞ ﻣﯿﮟ ﻣﺎﺳﮑﻮ ﻧﮯ ﺁﺫﺭﯼ ﻗﯿﺎﺩﺕ ﺳﮯ ﺑﮭﯽ ﻗﺮﯾﺒﯽ ﺗﻌﻠﻘﺎﺕ ﺍﺳﺘﻮﺍﺭ ﮐﯿﮯ ﮨﯿﮟ ﻟﯿﮑﻦ ﺍﺱ ﮐﯽ ﺗﻤﺎﻡ ﮨﻤﺪﺭﺩﯾﺎﮞ ﺁﺭﻣﯿﻨﯿﺎ ﮐﮯ ﺳﺎﺗﮫ ﮨﯿﮟ ﮐﯿﻮﻧﮑﮧ ﺁﺭﻣﯿﻨﯿﺎ ﺁﺭﺗﮭﻮﮈﻭﮐﺲ ﻋﯿﺴﺎﺋﯽ ﻣﻠﮏ ﮨﮯ ﺍﻭﺭ ﺭﻭﺱ ﮐﯽ ﺑﻨﯿﺎﺩ ﮨﯽ ﺁﺭﺗﮭﻮﮈﻭﮐﺲ ﻋﯿﺴﺎﺋﯿﺖ ﺍﻭﺭ ﺍﺱ ﮐﮯ ﺩﻓﺎﻉ ﭘﺮ ﮨﮯ۔ ﺍﮔﺮ ﺍﺱ ﮔﯿﺲ ﭘﺎﺋﭗ ﻻﺋﻦ ﮐﻮ ﻧﻘﺼﺎﻥ ﭘﮩﻨﭽﺘﺎ ﮨﮯ ﺗﻮ ﻣﺎﺳﮑﻮ ﺍﻭﺭ ﺑﺮﻟﻦ ﮐﮯ ﺩﺭﻣﯿﺎﻥ ﮔﯿﺲ ﻣﻨﺼﻮﺑﮯ ’ ﻧﺎﺭﮈ ﺍﺳﭩﺮﯾﻢ ﭨﻮ ‘ ، ﮐﻮ ﺗﻘﻮﯾﺖ ﻣﻠﮯ ﮔﯽ ﺟﺴﮯ ﺍﺑﮭﯽ ﺗﮏ ﺍﻣﺮﯾﮑﺎ ﻧﮯ ﺭﮐﻮﺍﯾﺎ ﮨﻮﺍ ﮨﮯ۔
ﺁﺫﺭﺑﺎﺋﯿﺠﺎﻥ ﮐﮯ ﮔﯿﺲ ﭘﺎﺋﭗ ﻻﺋﻦ ﻣﻨﺼﻮﺑﻮﮞ ﮐﻮ ﺍﻣﺮﯾﮑﺎ ﭘﭽﮭﻠﮯ 25 ﺳﺎﻝ ﺳﮯ ﻓﺮﻭﻍ ﺩﮮ ﺭﮨﺎ ﮨﮯ ﺗﺎﮐﮧ ﯾﻮﺭﭘﯽ ﺍﺗﺤﺎﺩﯾﻮﮞ ﮐﯽ ﺗﻮﺍﻧﺎﺋﯽ ﺿﺮﻭﺭﯾﺎﺕ ﮐﺎ ﺍﻧﺤﺼﺎﺭ ﺭﻭﺱ ﭘﺮ ﻧﮧ ﺭﮨﮯ ﺍﻭﺭ ﺍﯾﺮﺍﻥ ﮐﯽ ﻃﺮﻑ ﺑﮭﯽ ﮐﻮﺋﯽ ﻣﻠﮏ ﻧﮧ ﺩﯾﮑﮭﮯ۔ ﺍﺱ ﮐﮯ ﻋﻼﻭﮦ ﻋﻼﻗﮯ ﮐﮯ ﮨﺎﺋﯽ ﻭﯾﺰ ﺍﻭﺭ ﻓﻀﺎﺋﯽ ﺭﻭﭨﺲ ﺑﮭﯽ ﺍﻣﺮﯾﮑﺎ ﮐﮯ ﻟﯿﮯ ﺍﮨﻢ ﮨﯿﮟ۔ ﺍﻓﻐﺎﻥ ﺟﻨﮓ ﻣﯿﮟ ﺍﯾﮏ ﺗﮩﺎﺋﯽ ﮐﻤﮏ ﺍﺳﯽ ﺭﺍﺳﺘﮯ ﺳﮯ ﺟﺎﺗﯽ ﺭﮨﯽ ﺍﻭﺭ ﺍﺏ ﭼﯿﻦ ﮐﮯ ﺑﯿﻠﭧ ﺍﯾﻨﮉ ﺭﻭﮈ ﻣﻨﺼﻮﺑﮯ ﮐﻮ ﺑﮯ ﺍﺛﺮ ﺭﮐﮭﻨﮯ ﮐﮯ ﻟﯿﮯ ﺍﻥ ﮨﺎﺋﯽ ﻭﯾﺰ ﺍﻭﺭ ﺭﺍﺳﺘﻮﮞ ﮐﺎ ﻣﺆﺛﺮ ﺭﮨﻨﺎ ﺿﺮﻭﺭﯼ ﮨﮯ۔
ﮐﺌﯽ ﺁﺫﺭﯼ ﻋﮩﺪﯾﺪﺍﺭﻭﮞ ﮐﺎ ﺷﺒﮧ ﮨﮯ ﮐﮧ ﺣﺎﻟﯿﮧ ﺟﻨﮓ ﻣﯿﮟ ﺭﻭﺱ ﻣﻠﻮﺙ ﮨﮯ ﺍﻭﺭ ﺁﺭﻣﯿﻨﯿﺎ ﺍﺳﯽ ﮐﯽ ﺷﮯ ﭘﺮ ﺟﺎﺭﺣﯿﺖ ﮐﺎ ﻣﺮﺗﮑﺐ ﮨﻮ ﺭﮨﺎ ﮨﮯ۔ ﺍﺱ ﮐﺎ ﺛﺒﻮﺕ ﯾﮧ ﭘﯿﺶ ﮐﯿﺎ ﺟﺎﺗﺎ ﮨﮯ ﮐﮧ ﺟﻮﻻﺋﯽ ﻣﯿﮟ ﻧﯿﮕﻮﺭﻧﻮ -ﮐﺎﺭﺍﺑﺎﺥ ﺳﮯ ﺩُﻭﺭ ﺍﻭﺭ ﭘﺎﺋﭗ ﻻﺋﻦ ﮐﮯ ﻗﺮﯾﺐ ﺁﺭﻣﯿﻨﯿﺎ ﺟﺎﺭﺣﯿﺖ ﮐﺎ ﻣﺮﺗﮑﺐ ﮨﻮﺍ ﺟﺲ ﮐﺎ ﺟﻮﺍﺯ ﮨﯽ ﻧﮩﯿﮟ ﺗﮭﺎ۔ ﺁﺫﺭﺑﺎﺋﯿﺠﺎﻥ ﮐﺎ ﺧﯿﺎﻝ ﮨﮯ ﮐﮧ ﺁﺭﻣﯿﻨﯿﺎ ﻣﮑﻤﻞ ﺟﻨﮓ ﭘﺮ ﺗﻼ ﮨﻮﺍ ﮨﮯ ﺍﻭﺭ ﺍﺱ ﮐﮯ ﻣﻘﺎﺻﺪ ﺍﺱ ﮐﮯ ﺗﯿﻞ ﻭ ﮔﯿﺲ ﻣﻨﺼﻮﺑﻮﮞ ﮐﻮ ﺳﺒﻮﺗﺎﮊ ﮐﺮﻧﮯ ﮐﮯ ﮨﯿﮟ۔ ﺭﻭﺱ ﮐﮯ ﻭﺯﯾﺮِ ﺧﺎﺭﺟﮧ ﺳﻤﯿﺖ ﮐﺌﯽ ﻋﮩﺪﯾﺪﺍﺭ ﺍﻭﺭ ﺑﮍﯼ ﺁﺑﺎﺩﯼ ﺑﮭﯽ ﺁﺭﻣﯿﻨﯿﺎﺋﯽ ﻧﺴﻞ ﺳﮯ ﮨﮯ۔
ﺍﮔﺮ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﻣﯿﮟ ﻣﮑﻤﻞ ﺟﻨﮓ ﭼﮭﮍﺗﯽ ﮨﮯ ﺗﻮ ﺁﺭﻣﯿﻨﯿﺎ ﺭﻭﺱ ﺳﮯ ﺩﻓﺎﻋﯽ ﻣﻌﺎﮨﺪﮮ ﮐﮯ ﺗﺤﺖ ﻣﺪﺩ ﻃﻠﺐ ﮐﺮﺳﮑﺘﺎ ﮨﮯ۔ ﺭﻭﺱ ﻧﮯ 17 ﺳﮯ 20 ﺟﻮﻻﺋﯽ ﺗﮏ ﺁﺭﻣﯿﻨﯿﺎ ﮐﯽ ﺯﻣﯿﻦ ﭘﺮ ﻓﻮﺟﯽ ﻣﺸﻘﯿﮟ ﺑﮭﯽ ﮐﯿﮟ ۔ ﺍﺱ ﻣﻮﻗﻊ ﭘﺮ ﺗﺮﮎ ﺻﺪﺭ ﺭﺟﺐ ﻃﯿﺐ ﺍﺭﺩﻭﺍﻥ ﻧﮯ ﺻﺎﻑ ﮐﮩﺎ ﺗﮭﺎ ﮐﮧ ﺗﺮﮐﯽ ﺁﺫﺭﺑﺎﺋﯿﺠﺎﻥ ﮐﮯ ﺳﺎﺗﮫ ﮐﮭﮍﺍ ﮨﻮﻧﮯ ﻣﯿﮟ ﺍﯾﮏ ﻟﻤﺤﮯ ﮐﻮ ﺑﮭﯽ ﮨﭽﮑﭽﺎﮨﭧ ﻧﮩﯿﮟ ﺩﮐﮭﺎﺋﮯ ﮔﺎ ۔ ﺭﻭﺱ - ﺁﺭﻣﯿﻨﯿﺎ ﮐﯽ ﻓﻮﺟﯽ ﻣﺸﻘﻮﮞ ﮐﮯ ﺟﻮﺍﺏ ﻣﯿﮟ ﺗﺮﮐﯽ ﺍﻭﺭ ﺁﺫﺭﺑﺎﺋﯿﺠﺎﻥ ﻧﮯ ﺑﮭﯽ 29 ﺟﻮﻻﺋﯽ ﺳﮯ 10 ﺍﮔﺴﺖ ﺗﮏ ﻣﺸﺘﺮﮐﮧ ﻓﻮﺟﯽ ﻣﺸﻘﯿﮟ ﮐﯿﮟ۔ ﺭﻭﺱ ﺍﻭﺭ ﺗﺮﮐﯽ ﺷﺎﻡ ﺍﻭﺭ ﻟﯿﺒﯿﺎ ﻣﯿﮟ ﺍﯾﮏ ﺩﻭﺳﺮﮮ ﮐﮯ ﺁﻣﻨﮯ ﺳﺎﻣﻨﮯ ﮨﯿﮟ ﺍﻭﺭ ﯾﮩﯽ ﻣﻌﺎﻣﻠﮧ ﺟﻨﻮﺑﯽ ﻗﻔﻘﺎﺯ ﮐﺎ ﺑﮭﯽ ﮨﮯ ﻟﯿﮑﻦ ﺩﻭﻧﻮﮞ ﻣﻠﮏ ﮐﺸﯿﺪﮔﯽ ﮐﻮ ﺑﮍﮬﺎﻧﺎ ﻧﮩﯿﮟ ﭼﺎﮨﺘﮯ۔ ﺗﺮﮐﯽ ﺭﻭﺱ ﺳﮯ ﺑﺮﺍﮦِ ﺭﺍﺳﺖ ﺗﺼﺎﺩﻡ ﮐﮯ ﺑﺠﺎﺋﮯ ﺍﺱ ﮐﯽ ﭘﯿﺶ ﻗﺪﻣﯽ ﺭﻭﮐﻨﮯ ﻣﯿﮟ ﺩﻟﭽﺴﭙﯽ ﺭﮐﮭﺘﺎ ﮨﮯ۔
ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﮐﮯ ﺩﺭﻣﯿﺎﻥ ﺍﺏ ﺗﮏ ﺟﻨﮓ ﺑﻨﺪﯼ ﮐﯽ ﺗﻤﺎﻡ ﺗﺮ ﮐﻮﺷﺸﯿﮟ ﺁﺭﮔﻨﺎﺋﺰﯾﺸﻦ ﺁﻑ ﺳﯿﮑﯿﻮﺭﭨﯽ ﺍﯾﻨﮉ ﮐﻮ ﺁﭘﺮﯾﺸﻦ ﺍِﻥ ﯾﻮﺭﭖ ( ﺍﻭ ﺍﯾﺲ ﺳﯽ ﺍﯼ ) ﮐﺮﺍﺗﺎ ﮨﮯ ﻟﯿﮑﻦ ﺍﻥ ﺩﻧﻮﮞ ﯾﮧ ﮔﺮﻭﭖ ﻏﯿﺮ ﻓﻌﺎﻝ ﮨﮯ۔ ﺍﺱ ﮔﺮﻭﭖ ﮐﯽ ﻣﺸﺘﺮﮐﮧ ﻗﯿﺎﺩﺕ ﺍﻣﺮﯾﮑﺎ، ﺭﻭﺱ ﺍﻭﺭ ﻓﺮﺍﻧﺲ ﮐﮯ ﭘﺎﺱ ﮨﮯ ﻟﯿﮑﻦ ﺍﺏ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﺩﻭﻧﻮﮞ ﺍﺱ ﮔﺮﻭﭖ ﺳﮯ ﻣﺎﯾﻮﺱ ﮨﯿﮟ۔ ﺍﻥ ﺣﺎﻻﺕ ﻣﯿﮟ ﺗﺮﮐﯽ ﺍﻭﺭ ﺭﻭﺱ ﺍﺱ ﺳﻔﺎﺭﺗﯽ ﺧﻼ ﮐﻮ ﭘُﺮ ﮐﺮﺳﮑﺘﮯ ﮨﯿﮟ ﺍﻭﺭ ﺩﻭﻧﻮﮞ ﻣﻠﮑﻮﮞ ﮐﻮ ﻣﺬﺍﮐﺮﺍﺕ ﮐﯽ ﻣﯿﺰ ﭘﺮ ﻻﺳﮑﺘﮯ ﮨﯿﮟ۔ ﺁﺫﺭﺑﺎﺋﯿﺠﺎﻥ ﺍﻭﺭ ﺁﺭﻣﯿﻨﯿﺎ ﺩﻭﻧﻮﮞ ﮨﯽ ﻣﮑﻤﻞ ﺟﻨﮓ ﭼﮭﯿﮍﻧﮯ ﮐﮯ ﻣﺘﺤﻤﻞ ﻧﮩﯿﮟ ﺗﺎﮨﻢ ﻣﺤﺪﻭﺩ ﺟﻨﮓ ﺳﮯ ﺍﯾﮏ ﺩﻭﺳﺮﮮ ﮐﮯ ﺍﺳﭩﺮﯾﭩﺠﮏ ﻣﻔﺎﺩﺍﺕ ﮐﻮ ﺿﺮﻭﺭ ﺯﮎ ﭘﮩﻨﭽﺎ ﺳﮑﺘﮯ ﮨﯿﮟ۔ ﺍﮔﺮ ﺟﻨﮓ ﮨﻮﺋﯽ ﺗﻮ ﺍﺱ ﺳﮯ ﻓﺎﺋﺪﮦ ﺭﻭﺱ ﺍﻭﺭ ﺍﯾﺮﺍﻥ ﮐﻮ ﮨﻮﮔﺎ ﺍﻭﺭ ﮐﺴﯽ ﺣﺪ ﺗﮏ ﭼﯿﻦ ﮐﮯ ﺑﯿﻠﭧ ﺍﯾﻨﮉ ﺭﻭﮈ ﻣﻨﺼﻮﺑﮯ ﮐﻮ ﺑﮭﯽ ﻓﺎﺋﺪﮦ ﮨﻮﮔﺎ۔
کوئی تبصرے نہیں:
ایک تبصرہ شائع کریں
کمنٹ ضرور کریں